Përshkrimi

Të shkruhet programi i cili menaxhon të dhënat e librave. Secili libër ka titullin, autorin, zhanrin, dhe vitin e botimit. Zhanri mund të jetë njëra nga vlerat: Roman, Poezi, dhe Biografi.

1. (1p) Të deklarohet numërimi Zhanri me vlerat Roman, Poezi, Biografi.
2. (2p) Të deklarohet struktura Libri me fushat titulli (string), autori (string), zhanri (Zhanri), viti_botimit (nr. plotë).
3. (4p) Të shkruhet funksioni me emrin shtyp i cili pranon një parametër të tipit Libri dhe nuk kthen rezultat. Ky funksion shtyp në ekran të dhënat e librit sikur në shembullin e mëposhtëm.
4. (4p) Të shkruhet funksioni me emrin numri_librave_roman(Libri librat[], int n), i cili në vargun e librave të dhënë si parametër numëron sa nga ta e kanë zhanrin e barabartë me Roman. Numri i këtyre librave të kthehet si rezultat i funksionit përmes return.
5. Në main të realizohen kërkesat në vijim:
   1. (1p) Të deklarohet një varg që mban tipet Libri me gjatësi N=3 dhe të inicializohet me vlera sipas dëshirës.
   2. (2p) Përmes një unaze, të shtypen të gjithë anëtarët e vargut në ekran duke thirrur funksionin shtyp për secilin anëtar të vargut.
   3. (1p) Të thirret funksioni numri_librave_roman duke ia dërguar si argumente vargun dhe gjatësinë e tij. Rezultati i kthyer nga funksioni të shtypet në ekran sikur në shembullin e mëposhtëm.

Kujdes: Detyra që nuk kompajllohet ka minus 3 pikë!

Shembull të ekzekutimit të programit gjeni në vijim:

1. "Gjenerali i Ushtrisë së Vdekur", Ismail Kadare, Roman, 1963
2. "Lumi i vdekur", Jakov Xoxa, Roman, 1971
3. "Einstein: Jeta dhe Universi", Walter Isaacson, Biografi, 2007

Numri i librave te zhanrit Roman: 2.